Ma Ogtahay In Madaxwaynayaashii Somaliya Soo Marey Mid Ma Mid Ahi Uu Haybta Uu Kasoo Jeedo Si Gooniya U Takooray Isagoo Saaray Cadaadis…..

Ma Ogtahay in madaxwaynayaashii SOMALIYA soo marey mid ka mid ahi uu haybta uu kasoo jeedo Si gooniya u takooray isagoo saaray cadaadis balaadhan oo dhinac walba leh ilaa uu xataa markii uu xilka ka tagay dagaal toos ah la galay..

hadaba bal si wacan u akhriso aniga iyo mas,uul beeshaas kasoo jeeda sheekadii Na dhexmartey
Magaciisu waa dulmane..

Dulmane Sheeko uu iiga sheekeeyey ayaa iigu kaliftay in aan idiinka oo dhana idiinka sheekeeyo balhadaba maxuu iiga sheekeeyey dulmane…?

Dulmane waxa uu safar Ku tagay wadan ka mid ah wadamada carabta waxaanu maalin maalmaha ka mid ah iska xaadiriyey safaarada wadan kaasi ugu taala SOMALIYA waxay ahayd in uu safaaradaasi ka qaato passport waxaa ka mid ahayd Su,aalihii la weydiiyey meeqo sano ayaad jirtaa waxuu Ku jawaabay jawaab yaab leh oo ka yaabisay dadkii maalintaas halkaas joogay iyo cidkastoo maqashayba.

Waxuu yidhi waxaan ahay 13 jir waxaanu u muuqaal eekaa da,ada u dhaxaysa 30-40 sano waxaa mar kale la weydiiyey maxaad ULA jeedaa 13 jir baan ahay soowdiga ninka wayn ah.

Waxuu Ku jawaabay aniga iyo haybta aan ka soo jeedaaba 13kaas sano ayaanu wada jirnaa  waana 13sano ee uu xilka kasii maqan yahay madaxwaynihii hebel ahaa ee anaga oo haybta guud wadaagna hadana dulmiga iyo takoorka siyaasadeed dhaqan dhaqaale ee dhinac walba leh nagu hayey.

Intaas ka bacdi anigoo Dulmi DIID ah waxaan sameeyey baadhitaano waxaanan soo ogaadey in arinta ninkaasi uu sheegay ay tahay xaqaa,iq iyo wax jira Waxaana wax aan maqlay ugu yaab badnaa in magta boqolkaa ee ninka gacanta biniaadam Ku dhinta  laga bixiyo in ay dhacday in qabaa,ilo ka mid ah dadka SOMALIYEED mag ahaan loo siiyey wax ka Yar  20 neef oo geel ah.

Dulmiga iyo xaqdarada ka jira dhulka Somalida ee qaybo ka mid ah dadka Somalida lagu hayaa khadka wax qoraa wuu dhamaan lahaa hadii lays yidhaa wax ka qora waxaanse leeyahay waxaynu joognaa xiligii aynu dulmiga joojin lahayn hadii aynu Somali nahay.

Fiiro Gaar Ah
Sababo jira aawadeed waxaan ka go,aansadey in aanan sheegin magaca madaxwaynihii Ku kacay falkaa foosha xun dulmanaha iiga sheekeeyey warbixintan yaabka leh iyo haybtiisa waxaanse u dhaafayaa bulshada Soomaaliyeed in ay iyagu arintaan baadhitaan Ku sameeyaan oo ay ogaadaan madaxwaynihii dhibta intaa leeg gaystey.

👉🏿⚖Rag Cadaalad Wayaa Sidii Cowsha kala yaac⚖…

Balan teenu waa baabiinta dhaqanka xun ee hayb-sooca  Aafada Qabyaalada dulmiga iyo xaqdarada

WAA TILMAAMIHII TALADII IYO TOOSINTII SHACABKA EE….

Gudoomiyaha Ururka Cadaalada iyo Sinaanta Soomaaliyeed ee SIME Ahna Qoraha barnaamijka Qalinka Nabada Soomaaliyeed…

Sultan Abdikariim Farah (Dulmi DIID)

Aragtidaada Hoos Ayaad Ku Qori Kartaa

Kaydka Qoraalada

Warar Masawiran