Kismaayo: Murashax Cali Cusmaan Xirsi Oo Ku Guuleystay Kursiga Beesha Madaluug/Dir Ee Xildhibaanada Aqalka Hoose Ee Laga Soo Dooranayo Gobolada Jubbaland

waxaa shaley magaalada Kismaayo dib uga furmay doorashadii xildhibada Aqalka hoose ee Baarlamaanka Federalka gaar ahaan xildhibaanada laga soo dooranayo deegaanada Jubbaland.

Waxaa las doortey shaley hal kursi kaliya kaasoo ah kursiga beesha Madaluug Direed ee gobolada Jubbaland.

Waxaa kursiga beesha Madaluug ee Jubbaland ku tartamay musharax Cali Cusmaan Xirsi iyo Dr. Axmed Aadan Axmed oo soo noqday wasiirka caafimaadka iyo xildhibaan hore.

Waxaa kursiga kusoo baxay Cali Cusmaan Xirsi oo heley 27 cod halka Dr. Axmed Aadan Axmed uu helay 23 cod.

Doorashada xildhibaanada aqalka hoose ee Baarlamaanka Federalka ee Jubbaland ayaa maalmihii la soo dhaafay hakad la geliyey kadib markii la ogaaday in murashaxiinta qaarkood adeegsanayeen laaluush si ay ugu guuleystaan kuraasta beeshooda, shaley ayaa doorashada dib looga bilaabay markale magaalada Kismaayo.

Aragtidaada Hoos Ayaad Ku Qori Kartaa

Kaydka Qoraalada

Warar Masawiran

Open