Dowlada Burundi Oo Lagu Qancinaayo In Ciidankeeda Ka Joogaa Soomaai Ay Sii Wadaan Holwgalka AMISOM

Madaxa Amniga iyo Nabad gelyada Midowga Afrika Smail Chergu ayaa booqasho labo maalmood ah ku jooga Magaalada Bujumbura ee Dalka Burundi, kadib markii Dowladda Burundi ay dhowaan sheegtay in ay Ciidamadeeda kala baxeyso Somaliya.

Smail Chergu ayaa markii uu tagay Magaalada Bujumbura ee Dalka Burundi waxa uu ubax dhigay Qabriga Major General Juvenal Niyoyunguruza oo ahaa Taliye ku xigeenkii hore ee Amisom, kaas oo ku dhintay weerar ay Shabaab ka geysteen Somaliya 2009-kii.

Inta uu ku sugan yahay Dalka Buurndi waxa uu kulamo la qaadan doonaa Wasiirada kala ah Wasiirka Arrimaha Dibadda Alain Aime Nyamitwe, Wasiirka Gaashaandhiga Emmanuel Ntahomvukiye iyo Wasiirka Amniga Alain Guillaume Bunyoni dalkaasi, si uu ugala hadlo arrimaha Howlgalka Amisom ee Somaliya, gaar ahaan Ciidanka Burundi.

Sidoo kale Alain Aime Nyamitwe Wasiirka Arrimaha Dibadda ayaa waxa uu sheegay Dowladda Burundi mar walba in ay ku howlan tahay sidii Somaliya looga dhigi lahaa meel nabad ah, si dadka caalamka ay ugu yimaadaan booqasho.

YBurundi ayaa ka mid ah Dalka Ciidamada badan kaga jiraan Amisom, waxaana Soomaaliya ka jooga 5,500 oo Askari, waxayna mushaar ahaan uqaadan jireen Bishii lacag dhan 5 milyan oo Euro.

Aragtidaada Hoos Ayaad Ku Qori Kartaa

Kaydka Qoraalada

Warar Masawiran