Ra’iisalWasaaraha Dalka Jabuuti Oo Maanta Booqanaya Magaalooyin Ku Yaalla Somaliland

Ra’iisul Wasaaraha Jamhuuriyadda Jabuuti C/qaadir Kaamil Maxamed ayaa maanta booqasho ku tagaya magaalada Hargeysa ee Caasimadda Somaliland iyo magaalooyin kale, taasoo noqoneysa booqashadii u horeysay oo mas’uul sare oo ka tirsan Jabuuti ku tago Somaliland.

Booqashada Ra’iisul Wasaaraha Jabuuti ayaa lagu tilmaamay in aanay aheyn mid siyaasadeed, balse lagu sheegay inay tahay booqasho uu ugu tagayo dadka ay ehelka yihiin oo ku nool Sanaag bari iyo Ceerigaabo.

Illaa afar Xildhibaan oo ka tirsan Baarlamaanka Jabuuti ayaa shalay gaaray Hargeysa, kuwaasoo horu-dhac u ah wafdiga Ra’iisul Wasaaraha Jabuuti.

Wasiirka Kaluumeysiga Somaliland Cali Jaamac ayaa sheegay in Ra’iisul Wasaaraha Jabuuti uu tagi doono Ceerigaabo iyo Sanaag bari, isla markaana u tagi doono arimo la xiriira tolkiisa.

“Waxaan ku soo dhoweyneynaa, shaar dowladnimo iyo shaar reernimo, Ra’iisul Wasaaraha Jabuuti tolkiisa ayuu u imaan doonaa oo degan Sanaag Bari iyo Ceerigaabo”ayuu yiri Wasiirka Kaluumeysiga.

Aragtidaada Hoos Ayaad Ku Qori Kartaa
SHARE