Ra’iisalwasaaraha Oo Musiibo Ku Tilmaamay Qaraxii Zoobe, Kuna Baaqey In Gurmad Deg Deg Ah Loo Fidiyo Shacabkii Waxyeeloobay (Video)

Ra’iisul Wasaare Xasan Cali Khayre ayaa booqday goobtii uu ka dhacay qaraxa iyo Isbitaalka Madiina isagoo dhiiggiisa ugu deeqay shacabkii Masaakiinta ahaa ee lagu xasuuqay Qaraxii shalay ka dhacay magaalada Muqdisho.

Dhinaca kale Ra’iisul Wasaare Xasan Cali Khayre ayaa ka baaqday safar rasmi ah oo uu ugu kicitami lahaa dalka Turkiga kadib masiibadii shalay ka dhacday Muqdisho si uu shacabka Soomaaliyeed ula qaybsado Mashaqadii shalay ka dhacday Muqdisho, Wuxuuna kulamo rasmi ah la  yeelan lahaa Madaxweynaha dalka Turkiga Rejab Dayib Erdogan iyo Ra’iisul Wasaaraha Turkiga.

Ra’iisul Wasaaraha ayaa sidoo kale la hadlay dalal kala duwan isagoo  ka codsaday inay gurmad deg-deg ah u soo fidiyaan dadka dhaawaca ah, dhawaanna waxaa bilaabaneysa in dadka dhaawacyadoodu culus yahay loo qaado dalka dibeddiisa, iyadoo Qaybta ugu Horeysa Berri la qaadi doono.

Madaxda Soomaaliya ayaa Noqday kuwa Xanuunka la qaybsanaya Dadkooda, waxaana Shacabka la gudboon inay Taageero u muujiyaan Hay’adaha kala duwan ee Dawladda si guud ahaanba dalka loogu soo dabaalo Xasiloonin iyo Nabad.

Aragtidaada Hoos Ayaad Ku Qori Kartaa
SHARE