Xildhibaan Faarx Sheekh Cabdiqaadir “Dowladda Imaaraadka Waxay Dhaqaale Ku Bixineysaa Iska Hor Keenka Turkiga Iyo Soomaaliya”

Xildhibaan Faarax Sheekh Cabdiqaadir oo ka mid ah mudanayaasha Baarlamaanka fedaraalka ee Soomaaliya ayaa soo bandhigay danaha dowladda Imaaraadka ay ka leedahay dalka Soomaaliya.

Qoraal bartiisa xiriirka bulshada uu ku baahiyey ayaa Xildhibaan Faarax uu ku sheegay in dowladda isutagga Imaaraadka ay dooneyso in Soomaaliya weligeed ahaato meelgaajo ah oo aan horumar laga sameynin.

Dhinaca kale waxa uu bogaadiyey howlaha dowladda Turkiga ee gudaha Soomaaliya, waxaana is bar bar dhig uu ku sameeyey labada dowladood, Turkiga yuu tilmaamey dano kasta oo Soomaaliya ay ka leedahay in xilligan ay ka shaqeeneyso halka Imaaraadka uu doonayo in Soomaaliya ay sii ahaato meel aan horumar  ka jirin.

Hoos ka aqriso qoraalka Xildhibaan Faarax

Aragtidayda Imaaraadka Carabta ee Arimaha Soomaaliya! !

Siyaasadda cusub ee Dowladda Isutagga Imaaraadka Carabta [UAE] ee ku wajahan Arrimaha Soomaaliya, waxaa ka soo baxaya is-weydiimo dhowr ah, oo ka imaanaya shaqsiyaad isugu jira siyaasiyiin, ganacsato Iyo Bulshada Inteeda Badan..

Dowladda Imaaraadka oo muddo ka badan dhowr iyo 20 sanno bannaanka ka joogay siyaasadda Soomaaliya, ayaa saddexdii sanno ee u dambeeyey la soo baxday galaangal & weji cusub, waxaanna tillaabooyinka ilaa hadda ay ku dhaqaaqday Imaaraadka ee wax la iska weydiinayo ka mid ah:

1) Hubkii ay ka soo dejisay Dekadaha Boosaaso, Kismaayo & Berbera.

2) Heshiiskii ku saabsanaa dhismaha Dekadda Berbera ee ay la gashay Somaliland.

3) Shirkii ay dhowaan Dubai isugu yeertay Madaxda Maamul Goboleedyada Magaalada Dubai.

4)Amaan Xumada Dalka Qaar kamid ah oo ay Sida lasheegay Lug Ku leeyihiin.

5)Dhaqaale badan oo ay madaxda Maamul Goboleedyadu siiyeen Si Markasta loo khilaafo Goaamada Dowladda Dhexe.

Ganacsiga Soomaaliya Yimaada waxaa marin u ah Dekadaha Imaaraadka, haddii Dekadda Muqdisho ay furanto Imaaraadka waxeey weynayeen dhaqaalihii canshuurta ee ka soo geli jiray duulaankooda, Tan kale, Turkigu dan kasta ha wate ilaa hadda wax wanaagsan ayuu ka sameeyey Soomaaliya, waana walaal soo gurmaday ..

Imaaraadka hal sheey ayeey rabaan oo keliya in ay curyaamiso xiriirka Turkiga & Soomaaliya, waxeey doonayaan in Soomaaliya ay ahaato meel gaajo ah, oo aan wax horumar ah ka jirin Markastana Ayaga Gacmaha Loo Hoorsado.

Aragtidaada Hoos Ayaad Ku Qori Kartaa
SHARE